تعالي صار لي شهرين ماشافة عيوني نور=كأن البدر والشمس ونجوم الليل معدومه


أنا ماكنت أعرف الليل غير بشعرك المنثور=وكنت مولّع بلون الخصل وآشوفها نجومه

وصرتي عندي العالم وفيك ابحر بدون بحور= تعلمت بغرامك كيف أغوص البحر وآعومه


آنا أنفاسي معك/كانت/ شهيقي والزفير عطور=على كيفي تنفستك عطر /فُله ويشمومه


سكنتك قصر /حيطانه زبرجد وأعمدة بلّور=غفيت بجنتك /ياحلو بالجنه هكالنومه


صحيت وقلت اظمك وآتزود من دفاك شعور=رجعت أغفى بعد مرّه/ أبي واقعك وحلومه


إذا هذا سحر فعلا/أنا اسعد واحدٍ مسحور= دخيلك لاتفكين السحر لو ينفث سمومه


تعالي شربيني من طلاسمك /ولا ابي دكتور= تعالي يرحم امك /صايمك لا يذبحه صومه


أنا ماعاد فيني حيل أنادي وانتخي وآثور=بقي بي نبض بس//ووشوش لنبضك بمعلومه


إذا إن المسأله ماهي تحدي؟ماعليك قصور=وإذا قصدك تحدي والله إن قواي مهزومه


تعالي والله إني عشت في غيبتك في ديجور= ظلامٍ متّفق ضدي وانا لوحدي مع همومه


تعااااالي يرحم أهلك كلهم ردي علي النوووور=ابا افتح بك شبابيكٍ لها شهرين مكتومه


...