ياليتني محاسب واحاسبه ببـلاش=واصير جنبه لو دقيقـه وحاكيـه
والله يستر كان مادوش وانـداش=وافك له درج المحاسـب بمافيـه
وان عودت للصدق تفدا ويفداش=درج المحاسب والمحاسب وراعيـه
يامركد المطفوق ياطلـق رشـاش=يامعقل المجنـون ياللـي تداويـه
لاحول ياجسمٍ على العين غشاش=ياسرع ماتشوفه ومسرع ماتغديـه
ولاحول ياعينن تقل لمعة فـلاش=واللي يدقق فـي عيونـه بتعميـه
بطنه يغلق من حـلاوه وفشفـاش=وانا مفاطيح الجماعـه ماتكفيـه
الظاهر اللي شفته ابيض من الشاش=وشلون عاد الباطن اللـي يخبيـه
يمشي شوي شوي والشر منحاش=والارض مع مشيه تزين مواطيـه
لو ان جابه حضرت اللاش واللاش=لاهـو يدانينـي ولانـي بدانيـه
لكْن من بعده نزيـن لـه فـراش=يمشي عليه ولانتهى منـه نطويـه
ومن عقب ماهو لاش سميته الباش=ويالباش كل اللي تريـده نسويـه
ماهو غلانن به غلا راع الارماش=اللي ليا ارمش كل من باه يتليـه
اثره بلا واليا دخل قلب يعتـاش=واثر البلا ياتيك مـن دون تاتيـه
مانـي مطولهـا وابقولهـا كـاش=من قبل لاتنهي لي الحرب ابنهيـه
خايف ومستسلم وذا قلبي فـداش=ا ما عطيته حضرتك من هو اعطيه