أنا الذي يشغل ضميري وبالي=بقولها لا قالوا النـاس قلهـا
الضيقة اللي ما تركتني بحالـي=والكلمة اللي سمها في عسلهـا
والمهزلة والمسكنـة والتعالـي=ترى إبراهيم عبيد ما يحتملهـا
يا صاحبٍ يمشي على غير فالي=واليا سمع زلت رفيقـه نقلهـا
رح واعتبرني واحد كان غالي=مضمض من بحور هماج وتفلها
يسخفك بالدنيا خبول العيالي=يذوق طعم الحنظلة لو ما أكلها
وأنا ليا من استوت واستوالـي=يما قصرت وإلا نطول بجلهـا
نظره على هيبة وضرب بصالي=يما لقحت وإلا ما ضرت جملها
مابالمجامل مكسب ورأس مالي=الكلمة اللي تجرح القلب قلها