بعد ما كنت وحدانـي=يجيني يا بخت ما جاب
أخيراً نصفـي الثانـي=لقيتك والقلوب أحبـاب
لقيتك والسمـر زانـي=لقيتك والجروح غياب
يا أجمل وجه نسانـي=ليال(ن) طبعها غـلاَب
وأحلى صوت نادانـي=وبعثر ، خافقٍ مرتـاب
ياليته مير ما أمدانـي=أجيلك قبل ما أنصـاب
فلا تزعل على شانـي=ولا تهتـم بالأسبـاب
مدام القلـب وصانـي=أسافر لك بدون إيـاب
تقرّب وأقعـد أوزانـي=بليّن شـدّة الأعصـاب
وأغني لك من الحانـي=طواريق الهوى الغلاب
وأردد كل مـا جانـي=نسيمك لا فتحت الباب
أخيراً نصفـي الثانـي=خيراً والقلوب أحباب !