الشعر ديوان العرب والنقد نيشان الكلام =ولا البيوت الجزله احمولي وانا جمالها
واغلا القصايد ماتجي ياكود لناس الحشام =اللي لهم تشهد جميع الناس صدق افعالها
أسرجت شعري بالمشاعر والقوافي له لجام=قصايد(ن) تسوى ذهب والخيل من خيالها
كني اشوف الف وثلاثميه وتسعة عشر عام=والسيف بيدين الشجيع معزي ويسعالها
يومن جيت وعادك الله للوطن يابن الإمام=ألف ألسلامه والسلامه لك تشد ارحالها
يا سيدي سلطان لك منا تحيات وسلام=تحية(ن)غطت سمانا لين ظل اظلالها
يا النادر الجزام ياعزام يا ضرب الحسام=يا الصيرمى يالليث يا سبع(ن) سكنت اطوالها
يالحاكم اللين ياقاسي فـ الشدايد يا الهمام=يا عزوه القاصي ولداني حصن مدهالها
يا سيدي لا يا ولي العهد يا عز المقام=هذا الوطن!! ذاك الوطن!! قلبك وطن!! لبطالها
حنا تربينا على هذا الوطن بيت(ن) مقام=وأركانه آل أسعود حكام(ن) وساس اجبالها
لبيه ياسيد هل العز المجيد ولك تقام=كل الاماسي دام فرحتنا شدا موالها
لك يسري البارق ويرعد في جويات الغمام=يعطش على شوفك واذا شافك نزل همالها
يدهج ثراها لين ماها سال سيله واستقام=يروي عطاشا شوفتك يا سيدي وارمالها
غالي يا بو خالد ولك منا معزه واحترام=حب وولاء عهد وغلا شعبك يردد قالها
الجود سلطان العطاء والمجد سلطان الانام=والغيث سلطان القلوب اللي معاه اقفالها
يا سيدي سلطان ابن عبد العزيز ابن الكرام=يا كم وكم لو قلت كم ماينحسب منوالها
ما تنحسب مدت يمينك من جزالك للدسام=يشهد لك الله ثم خلقه يشهدون اجزالها
يا حاضر الماضي ومستقبل لعله للدوام=يابيض الايام وعزيز النفس من غربالها
يا جابر اقلوب ن جهدها متكي فوق العظام=ظافي على الامه بجوده غايته يشتالها
نجمك سما فوق ونما ضيه جلا عنا الظلام=ديجور نورك في الظلام وكل دار(ن) طالها
للمملكة بقلوبنا تاج الفخر واغلا وسام=عاشت ليال المملكه وفراحها باليالها
الليله اشعور الوطن وقيادته والالتحام=اصدق من النجوم السماء في اليالها وهلالها
والقايد اللي قادنا نيله من المجد السنام=حاكم بشرع الله وسنه مصطفاه اصغالها
خادم بيوت الله وداعي هالامم لجل السلام=يا سيفنا المسلول بوجيه العداء وانذالها
حنا عماد المجتمع شيب وشباب(ن) لك حزام=وقت الشدايد يا طويل العمر حنا ارجالها
فينا من الدين الحنيف اجمل صفات الالتزام=والفضل لله ثم لولاه الامر معدالها
من منطقة تبوك حد المملكه والحد شام=ومن شرقها الـ غربها حتى حدود اطوالها
هذي تهانينا تناثر مسك مع فل وخزام=يا نسل من سيس لنا سيسانها بمحالها