تل قلبي تل جمس(ن) صـدر فيـه الامـر=من وزير الداخلية علـى سـلاح الحـدود
والهدف جمس(ن) مصنف من انواع الخطر=تابعـوه بجرتـه ليـن عـلـق بالنـفـود
سايقه مطلوب للامن مـن حـروة شهـر=غالـي بالديـن وبذمتـه خمسـة جنـود
ماتبين منـه هـذا ومخفـى ادهـا وامـر=مايعرفه غير مـن فـوق متنينـه شهـود
الحموله رايـش نحـاس والغـام وخمـر=والهـدف تفجيـر مبنـا موثقـة العهـود
وادركـوه ولعـو فـي بالمـاص الحمـر=وحرقوه حـراق هتلـر التجـار اليهـود
كن حالـي حـال طلابـه بيـوم الضفـر=عقـب كمـل للمهمـه ووفـى بالوعـود
واقف شامخ وفـي عينـه اقـدام وسطـر=مايوصف غير شبل مـن اشبـال الاسـود
من سبايب صاحب لي جمر كبـدي جمـر=كـن يركـا فوقهـا بالعراقـي والعمـود
فـي نحانـا حـد رقبـان لامنـه شهـر=وشطر من الشلف بين المناكب والعضـود
مايقابـل بالمقبـال ولاينـاطـح نـحـر=وان قصيته تكشف عداك والخصـم الـدود
بهسته غـدر الرفاقـة وطعنـه بالظهـر=منفرد فيهـا الحالـه مهـو ورث الجـدود
كم وقفنـا دونـه ابمـال وشيـوخ وجبـر=مير فعل الطيب مايصبـغ برجـل جحـود
شجـرة لاظـل فيهـا ولا يجنـا ثـمـر=ولايذري عن هبوب(ن) ولا النـار عـود
من يعده راس ماله معـه خـاب وخسـر=مايعنـز للمهـامـات رجــال شــرود
والبدايـة والنهايـة تحـت غبـة بـحـر=للعرب هرج العـرب والرطينـه للهنـود