يا سيد الغالين صوتك وحشني=وانا على صوتك سموعي عطاشا
وتبى الصراحه نبض قلبي بلشني=يقول وين اللي يزيد ارتعاشا
حتى نظر عيني زعل ثم نهشني=يقول وين اللي يشيل الغطاشا
وزوداً عليها كل عظمً نبشني=والحال يضعف مع متون تلاشا
حتى ترى كنق الشعر لا خمشني=يرفض قصيد الدين لا بد كاشا
وتدري وش اللي فالقصايد نعشني=اللي تحمل اسمك تجيب انتعاشا
وحبك ترى يم المصايب تنشني=حتى مشيت اللي يمر الخشاشا
بغيت اغير مير قلبي كرشني=يقول مال الشين عندي معاشا
ولو كثرت اصوات العرب ما نغشني=يا كود صوتك مابها أيت نقاشا