البارحه في عاليات المشاريف=غنيت طاروقً على بالي احكام
ودي بجزلات المعاني مراديف=وسوقها بدرب قدام قدام
بديت بسم اللي يسوق العواصيف=اللي فضوله ما توصف بالارقام
منجي عباده من كثير الصواديف=الواحد اللي صاحيً دوم ما نام
من بعد ذكره جبت من صافي الكيف=احلى من الياقوت واغلى من الخام
مثايلً يطرب لها راعي السيف=لاجرها بالصوت كنه ورى الشام
من قوها ما ترسل بالمظاريف=من خوف تعدمها تقول انها ألغام
تفخر بمدح اللي علومه تواصيف=لا قالها تتعب بها روس الأقلام
راع الكرم والطيب راع المعاريف=اللي كلامه فعل ما هو بالاحلام
بالسمع يسمع ثم بالعين قد شيف=وابصم على ما قول في راس الابهام
أميرنا ذخراً لكل المخاليف=اقصد ولد مروي على الطيب جزام
امفرح اللي مكرم الجار والضيف=عايش على فعل الكرم طول الايام
مدة يمينه ما حسب لتكاليف=ولا هزته ما قال حاسد ونمام
وصلاة ربي عد ما باين الطيف=ثم شكلة فالجو في سبعة اقسام
على رسولً صادقً بالسواليف=أظهر لنا دين اليسر دين الاسلام