((((((((محمد الحنتمي)))))))




راكب اللي ماورد غير ابمهمـه=عقبها يرجع على المصنع جباري
شرط صناعه عقب دربـه يتمـه=يرجع ويمنع من العرض التجاري
كن زولـه زول سـودا مدلهمـه=اقبلت برق ورعـد ولهـا ذواري
ولا مشى بالخط والممرور خمـه=صامل ماهو بـدواج الحـواري
للسنـود النـار للعليـا تـزمـه=وان تحدر قلت هبوط اظطراري
ياصل اللي عزوته باولاد عمـه=اهل الملحاء معشيت الضـواري
من نحور القـوم لاحلـت ملمـه=بين حد السيف وعيار السـواري
كم حوار بشروه بشوفـت امـه=يشهد التاريخ لابطال الصحـاري
عزوة من حرب تاج وراس قمـة=هم حجا اللي تطلبه حد الشبـاري
يافهد صاحبك قـام يزيـد همـه=كن في صدره يهاجمه انتحـاري
والسبب غورن بغفلـه لـد يمـه=وطعنه بين الظلوع بسهم نـاري
والمصيبة ماعـرف ليـات يمـه=اتجاهه سـار يالليـل المسـاري



((((((((((فهد السليمي))))))))))))




راكب اللي تاصل القصـد وتتمـه=ماتحرك غير بأوقـات الطـواري
ولاتـورد غيـر لمهمـه مُهمـه=بالقـرار الملكـي وإلا الـوزاري
الهواء من حيـن مقدمهـا يشمـه=تسبق اللي مقتفي جول الحبـاري
نورهـا الظـلام مايقـدر يطمـه=مثل عقد الماس بنحور الجـواري
وسعرها يصعب على التاجر يلمه=ماتفاوض حولها بايـع وشـاري
البحر بالزور ماخضـت مجمـه=ولاتوقـع بالمطـار وبالبـراري
قادها اللي زنـده ليانـص كمـه=ابلجٍ من عادته يصـل المحـاري
واصل المسير في رحلـه تهمـه=يم رجلاً فيه مضمـون افتخـاري
من سلالـة لابـةٍ عاليـن همـه=يسرجون الخيل باوقات الخطاري
من ظفرهم كم عقيداً سيـل دمـه=لو حدر واد الرمه خـلاه جـاري
لاتعـزوو ذودهـم محـد يشمـه=عزوة المزنان بالصوت الجهـاري
ومن دخل بوجيههم محـدٍ يهمـه=مار لو قلبه مـن اليقيـن عـاري
بالجزيرة صيتهـم قبـل الأئمـه=وقبل عصر الترمذي هو والبخاري
وصاحبي منهم ومرسولـه يهمـه=مرسله يمي وجالـس بأنتظـاري
صاحـبٍ نغليـه مانقـدر نذمـه=يمدح الشعار واسلوبـه حضـاري
طيب خلق وطيب دين وطيب ذمه=للكرم والجود في وجهه مـواري
يامحمـد حـدد المقصـد وسمـه=وابشر بحراً على الهدات ضـاري
واعتبرني سيف في كفك تضمـه=والله اني ما اتخلـص بأعتـذاري
وكان تبغى راي من رايك يهمـه=ابتعد عن شوف لباّس الخـزاري
الغرام ان حل في حالـك يسمـه=الله انـه لايـذوقـك الـعـزاري