كانت الغيمه شتائيه ومنظرها مُخيف=كنتي انتي مثلها بالضبط في كل الصفات
بالرغم من كثر خوفي كنت اشوفك شي لطيف=كنتي اجمل من رأت عيني على طول الحياة
في عيونك شر لكن كنت اشوفه شي أليف=وأعتنز رمشي بجفني ولا عرف حتى يبات
صيف كنتي او شتا ولا ربيعن او خريف=بس عندي كنتي انتي خامس لأربع جهات
كنت اشوفك راعية عقلن ثقيلن مو خفيف=كنت اشوفك غير جداً غير عن كل البنات
ليتني طولت بالي.. كيف انا استعجلت كيف؟=يا لعوبن جعل يتلّونك مثل تل النبات
لعنبو هاك الغرام ولعنبو كذبن وزيف=كل ما أذكر زادت جروحي , ياخوفي من اللي آت
بعد ذاك الحب كله , تطعني قلبي؟ يا حيف=كنت ما اخافك وجتني طعنتك تمشي بسكات
طعنتن بالقلب جتني اقوى من خنجر وسيف=أنحرت قلبي ونستني منامي والسبات
عزتي لي صار قلبي من نزيفن في نزيف=ذبلت عروقه واشوفه صار اقرب للمات
الله لي,يا جعل قلبي يشفع الغلطه وأعيف=كل حبن غير حب أمي أجعله ما يبات