ياللـي تكبـر مايفيـدك تكبـرك=حتى لو انك ترتفـع لـك شويـه
كلن يعرف اقصاك والناس تخبرك=ومعروف ما قدمت حسنه وسيـه
لكن ترى الاسباب تعرف وننذرك=ومنها سبب واحد لـه الاغلبيـه
أكيد ناقص والضعافه تحاصـرك=وتبغى تزود ولا تعرف القضيـه
تشوف نفسك والنتيجـه تخسـرك=وآكيـد تاليهـا تحصـل رديـه
الكبر لله ربـك اللـي مصـورك=هو الذي متصرف «ن» بالبريـه
اللي اليا بانت خفايـاك يستـرك=مالك سواه يحط عنـك الخطيـه
والا الكبر مهما فعلتـه نحـذرك=ونقول لك غلطـه تراهـا قويـه
الكبر خلا كـل رجـال يحقـرك=وتصير دايم ملتحف لـك زريـه
هذي نصيحه والتجارب تخبـرك=عساك تفهمهـا بنفسـن رضيـه
وان ما فهمت وجيتنا في تكبـرك=خذها من اللـي كلمتـه واقعيـه
دامك تكبـر والله انـي ماقـدرك=والله لتبطي مـا لـك المقدريـه