شليت لك شعري بأجمل لحونـي=ليتك ترد بصوت صافي لحونـك
لا تجرحين القلب لا لا تروحـي=كافي جروحـن سببتهـا ظنونـك
لو طالت الغيبات يا روح روحـي=قلبي على خبرك ترا ما يخونـك
تعبت من كثر البكى وكثر نوحـي=وتعبت اكثر من سبايـب طعونـك
واكثر بعد كثر الألم في جروحي=واكثر من احزان اعتلتني بدونـك
يوم ان عيني صارحتك بوضوحي=عينك بقسوه صدت إبهـا جفونـك
يصيح قلبي مدري ان كنت توحي=مشاعري والصوت هم ياصلونك؟
غيبتك والله نوخت لـي جنوحـي=وانا لأجلك عايشن لـك اصونـك
ولا انت ناوي طيحتي من جموحي=قمت اتسمع هرج من يخدعونـك
اسمع كلامي وخل طبعك سموحي=هاللي حكوا لك قصدهم يبعدونـك
والله ولو بيصير كلـك شحوحـي=والله لاعيش ولا افكـر اخونـك
ودي يصير ان المفارق مزوحـي=حتى عيوني تهتني فـي عيونـك