العيد عاد وعادت العيـد لاعـاد=يجلب معه كل الفرح والسعـاده
وانا بسلاحي مستعـدٍ للأوغـاد=تقوى العزايم بالصبر والجـلاده
يالحوثي المقرود الوضع لو زاد=قطعت خشمك ياقليـل العبـاده
الجيش حاضر ينتظر دقة زنـاد=يشهد لنا التاريخ واكبر شهـاده
حنا لها والعين ماتعرف إرقـاد=حنا لهـا كـلٍ يجهّـز عتـاده
حنا لها بالليل والصبـح لاعـاد=تلقى بصدر الشمس اجمل قلاده
ياجنودنا من عهد تاريخ الاجداد=اما النصر وإلا ثـواب الشهـاده
مانركد الا راس هالحوث قد باد=ما للعدو في حربنـا الا الإبـاده
حنا لبو متعب مثل جمـر وقّـاد=وحنا لبو سلطان ونعم القيـاده
والا انت يالحوثي مع ايران تنقاد=ولا كسبت الا الشقـى والقـراده