سألني أحد الأصدقاء كيف يكسب الأنسان التوفيق في حياته فـ أجبته بهذه الأبيات المتواضعه .. أتمنى أن تنال إستحسان القارئ !

ياصقر ياللي مشرف الحيد ومويق=ويرمي نظر عينه على ما بدا له

واليا رجع له يأخذ الفكر تحليق=في جو صافي والسماء له لحاله

يبحث عن علومٍ تعز المخاليق=ويرمي لها في كل وادي حباله

كسب الجميله حظ والفعل توفيق= والثالثه ممشى الرجل وإعتداله

وإن ثلّثن للشخص موتى مشافيق=يلبس لهن بشته ويركز عقاله

ويسجد ويجدد عهود ومواثيق= للخالق اللي ما خسر من يساله

وإن جنبن لا يزعل الشخص ويضيق=ما يألفن بالعفرته والحياله

يرضى بمقسومه كسور وتفاريق=ويمشّي أموره على قد حاله